Октябрь пуҫламӑшӗнче районти «Пурнăç çулĕпе» хаҫат, асаттесемпе асаннесене халалланӑ сӑн ӳкерчӗксен конкурсне ирттерчĕ. Сӑн ӳкерчӗксене Вконтакте тата Телеграмм социаллӑ сетсенче вырнаҫтарма май пулчĕ. Чи нумай лайк пухнӑ сӑн ӳкерчӗксем малти вырӑнсене йышӑнчĕç. Çак çĕнтерӳçĕсем хушшинче пирĕн «Ладушки» ушкăна çӳрекенсем Филиппова Виктория тата Егорова Анастасия пур.Вĕсем хăйсен кукамăшĕпе Людмила Вениаминовнапа «Кукамайпа палан тататпăр» сӑн ӳкерчӗкпе 2-мĕш вырăна тивĕçлĕ пулчĕç. Вăл пурĕ 215 лайк пухнă.Çӗнтерӳҫӗсене саламлатпӑр тата малашне те пултарулӑх ҫитӗнӗвӗсем тума сунатпӑр.

        Çавăн пекех «Кукамипе тата кукаçипе утă пуçтаратпăр» сӑн ӳкерчӗке уйрăммăн палăртма йышăннă. Çак сӑн ӳкерчӗк çинче «Непоседы» ушкăна çӳрекен Гордеева Ксения хăйĕн кукамăшĕпе тата кукаçипе ӳкерĕннĕ. Пĕтĕмпе 15 пин ытла çын курма пултарнă ăна çак тапхăрта. Лайксен шучĕ те пĕчĕк мар-130.

Конкурса хутшăннисене пурне те тав тăватпăр!